NUWARAKALAVIYA FILM FESTIVAL
චිත‍්‍රපට දැක්ම පැවැත්වෙන ගම්මාන – අනුරාධපුරයේ ඉපලෝගම සහ මානාව
දිනය – ලබන සදුදා (අපේ‍්‍රල් 04 වෙනිදා)
දිනය – ලබන සදුදා (අපේ‍්‍රල් 04 වෙනිදා)
පසුගිය වසරක පමණ කාලය පුරා නොවැම්බර් ව්‍යාපාරයේ හිතමිතුරන්ගේ සම්බන්ධීකරණය යටතේ අනුරාධපුරය ප‍්‍රදේශයේ ගම්මාන කිහිපයක් තුළ විවිධ ආයතනයන් සහ පුද්ගලයන්ගේද දායකත්වය සහිතව නව කලා මාධ්‍යන් (New Media art) පිළිබදව දැනුවත් කිරිම් සහ පුහුණු වැඩසටහන් ක‍්‍රියාත්මක කෙරිණි. මෙහි වූ මූලික අරමුණක් වූයේ අනුරාධපුර ප‍්‍රදේශයේ වෙසෙන සමාජ හා සංස්කෘතික ක‍්‍රියාකාරිකයන් සදහා මෙම නව කලා මාධ්‍යන් පිළිබදව සහ එහි ඇති ශඛ්‍යතාවයන් පිළිබදව අවබෝධයක් ලබා දීමයි. මෙම අවබෝදය මගින් මෙම ක‍්‍රියාකාරිකයන්ගේ සමාජමය මැදිහත්වීම් සදහා නව මානයන්ද නිර්මාණාත්මකභාවයන්ද එක් කිරීමට උත්සහා ගැනිණි. ඇත්තෙන්ම නිර්මාණාත්මකභාවයන් එක්කෙරුණා නොව මෙම ක‍්‍රියාකාරිකයන් තුළ වූ නිර්මාණාත්මකභාවයන් සහ ශක්‍යතාවයන් මෙම නව කලා භාවිතයන් හරහා ප‍්‍රකාශයට පත්වූවාය කීම වඩා නිවැරදිය. කූඩා ඩිජිටල් කැමරාවක් භාවිතා කරමින් තම ප‍්‍රදේශය තුළ අත්විදින ජීවන යථාර්තයන්, තම පරිකල්පනයන් කෙටි වාර්ථා චිත‍්‍රපට හා කෙටි චිත‍්‍රපට වශයෙන් නිර්මාණය වූයේ ඉහත සදහන් ක‍්‍රියාකාරීත්වයේ ප‍්‍රතිඵලයක් වශයෙනි. මේ සදහා ප‍්‍රසන්න විතානගේ, ඉනෝකා සත්‍යාංගනී සහ කේ. ඥානදාස් යන සහෘදයන්ගේ දායකත්වයද ඉතා වැදගත් විය.
නුවරකලාවිය චිත‍්‍රපට දැක්මද මෙම ක‍්‍රියාවලියේම තවත් එක් පියවරකි. නොවැම්බර් ව්‍යාපාරයේ හිතමිතුරන්ගේ ස්වේජාමය දායකත්වය මගින් සංවිධානය වන මෙම චිත‍්‍රපට උළෙල තූළ ප‍්‍රදර්ශනය වන සියඵම චිත‍්‍රපට හා වාර්තා චිත‍්‍රපට සදහා අප මිතුරන් විසින්ම සිංහල උපැසිරැසි ගන්වා ඇත.
මෙම චිත‍්‍රපට උලෙළ සදහා වන අපගේ දායකත්වය තුළ අප බලා පොරොත්තු වන කාරණා අතරින් එක් ප‍්‍රධාන කාරණයක් වන්නේ කොළඹට පමනක් සීමාවී ඇති සංස්කෘතික අවකාශයන් බිම් මට්ටමට ගෙනයෑමට උත්සහා කිරීම මගින් බිම් මට්ටමේ ගොඩනැගෙන සංස්කෘතික ව්‍යාපාරයක් සදහා අපගේ ශක්තිය පමනින් දායක වීමට උත්සහා කිරිමයි.
